زايد الشوق عناه

يقوله اللي زايد الشوق عنـّاه
..........قضّى زمانه فوق روس المراقيب

يبكي على خل ٍبعيد ٍ تمناه
..........يوقد ضلوعه فوق صالي اللواهيب

ماعاد يميز من صباحه ممساه
..........الصبح مر وتالي الليل تعذيب
[/size]

[size=21]يا زيد يا ليتك تاصل وتنصاه
..........ليتك تجيب العلم يا زيد يالذيب

يا زيد عجّل قلبي ما عاد يمداه
..........اركب على اللي شوفها شوفة الشيب

رنج ٍ حمر ما خاب منهو تعلاه
..........مثل البراق يقرب البعد تقريب

وافطن ترى في ديرة سهيل تلقاه
..........سهل ٍ تعرفه بين كل الرعابيب

طرفه ذبوح ٍ باسود الكحل غطاه
..........يبعثر انظارك من عقب ترتيب

كل القرايب والاجانيب تفداه
..........مكملٍ بالزين خالي العذاريب

ويومك تشوفه خبره اني اهواه
..........واني على عهدي و لا ظنه يخيب

واني تراني صعبة حالي بليّاه
..........اقضي الليالي فوق روس المراقيب